Jan Se Tang Hain Qaidi

Jaan se tang hain qaid-e-gham-e-tanhai ke Sadqe jaaun main teri anjuman-arai ke

Bazm ara hoon ujale teri zebai ke Kab se mushtaq hain aaine khud-arai ke

Ho ghubar-e-dar-e-mehboob ke gard-e-rah-e-dost Juz-e-azam hain yehi surma-e-binai ke

Khak ho jaaye agar teri tamannaon mein Kyun milein khak mein arman-e-tamannai ke

Wa rafa'na laka dhikrak ke chamakte khursheed Lamakan tak hain ujale teri zebai ke

No More Screenshots! Save Storage with Our Lyrics App!

Dil-e-mushtaq mein arman-e-liqa aankhein band Qabil-e-deed hain andaz-e-tamannai ke

Lab-e-jaan-bakhsh ki kya baat hai SubhanAllah Tum ne zinda kiye i'jaz-e-maseehai ke

Apne daman mein chupayein woh mere aibon ko Ae zahe bakht meri zillat-o-ruswai ke

Dekhne wale Khuda ke hain Khuda shahid hai Dekhne wale tere jalwa-e-zebai ke

Jab ghubar-e-rah-e-mehboob ne izzat bakhshi Aaine saaf hue ainak-e-binai ke

Baar sar par hai naqahat se gira jata hoon Sadqe jaaun tere bazu ki tawanai ke

Alim-ul-Ghaib ne har ghaib se aagah kiya Sadqe is shaan ki binai-o-danai ke

Dekhne wale ho tum raat ki tareeki mein Kaan mein sam' ke aur aankh mein binai ke

Ghaibi nutfe hain woh be-ilm janam ke andhe Jin ko inkar hain is ilm-o-shanasai ke

Ae Hassan Kaaba hi afzal sahi is dar se magar Hum toh khoogar hain yahan nasiya-farsai ke