Jah o Jalal Do Na Hi

Jah-o-jalal do na hi maal-o-manaal do Soz-e-Bilal bas meri jholi mein daal do

Duniya ke saare gham mere dil se nikaal do Gham apna Ya Habib! baraye Bilal do

Hijr-o-firaaq to mila do idtiraab bhi Be-taab qalb az pay-e-soz-e-Bilal do

Behti rahe jo har ghari bas yaad mein shaha! Woh chashm-e-ashkbar pay-e-Zuljalal do

Seena Madinah ho mira dil bhi Madinah ho Fikr-e-Madinah do mujhe Madani khayal do

Har aan bas tasawwur-e-Taibah mein gum rahoon Aisa buland Shah-e-Madinah! khayal do

Do dard sunnaton ka pay-e-Shah-e-Karbala Ummat ke dil se lazzat-e-isyaan nikaal do

Khulq-e-azeem se mujhe hissa ata karo! Be-ja hansi ki khaslat-e-bad ko nikaal do

Never Be Without Your Favorite Lyrics - Get the App for Offline Access!

Zikr-o-durood har ghari wird-e-zabaan rahe Meri fazool goi ki aadat nikaal do

Donon jahan ki aaften Maula museebaten Sadqe mein mere Ghous ke Sarkar! taal do

Attar ko bula ke Madine mein do Baqi Do phoolon ke tufail hon pooray sawaal do