Jaan o Dil Ya Rab Ho

Jaan-o-dil ya Rab ho qurban-e-Habib-e-Kibriya Aur hathon mein ho daaman-e-Habib-e-Kibriya

Aankh mein ho noor-e-dandaan-e-Habib-e-Kibriya Sar mein ho sauda-o-arman-e-Habib-e-Kibriya

Un ke faiz-e-noor ne kaunain ko roshan kiya Donon aalam par hai ehsan-e-Habib-e-Kibriya

Zindagi ho ya mujhe maut aaye donon haal mein Main hoon ya Rab aur bayaban-e-Habib-e-Kibriya

Kaisa fakhr-o-naaz ho apne muqaddar par agar Sag banayen mujh ko darban-e-Habib-e-Kibriya

Ik nazar dekho jamal-e-aaftab-e-Hashmi Meri aankhon par ho ehsan-e-Habib-e-Kibriya

Ban ke mangta un ke dar ke Shah-e-aalam ho gaye Ae zahe qismat gadayan-e-Habib-e-Kibriya

Taar hai gor-e-ghariban waqt hai imdad ka Main fida sham-e-shabistan-e-Habib-e-Kibriya

Lut rahi hai Saqi-e-Kausar ke maikhana mein may Josh mein hain aaj mastan-e-Habib-e-Kibriya

Sahib-e-laulaak ke baais hui ijaad-e-khalq Ma-siwa Allah sab hai saman-e-Habib-e-Kibriya

Raah-e-haq mein de ke sar qurban-e-jaanan ho gaye Kyun na hon zinda shaheedan-e-Habib-e-Kibriya

Never Be Without Your Favorite Lyrics - Get the App for Offline Access!

Bat-ta hai kaunain mein baara usi sarkar ka Hain zameen-o-aasman khwan-e-Habib-e-Kibriya

Ahd Rab ne roz-e-meesaaq ambiya se le liya Sar pe lein phir kyun na farman-e-Habib-e-Kibriya

Kuch nishaan paaya na ab tak mehr-o-mah chakkar mein hain Is qadar ooncha hai aiwan-e-Habib-e-Kibriya

Apni ummat mein kiya apni jamaat mein liya Tujh pe jaan qurban ehsan-e-Habib-e-Kibriya

Kaun hai jo un ke khwan-e-fazl se mehroom hai Hain Khalil-e-Haq bhi mehman-e-Habib-e-Kibriya

Jis ke bulbul hain Abu Bakr-o-Umar Usman Ali Rashk-e-jannat hai woh bustan-e-Habib-e-Kibriya

Ghaar-e-Hira mein jo kaata saanp ne parwa na ki Aafreen ae jaan nisaran-e-Habib-e-Kibriya

Khwab-e-Maula par namaz-e-asr ko qurban kiya Aise hote hain fadayaan-e-Habib-e-Kibriya

Hum siyah karon ki bakhshish ki koi surat nahin Juz tere ae chashm-e-giryan-e-Habib-e-Kibriya

Aql-e-aalam ki rasayi un ke rutbe tak muhaal Haan Khuda se poochhiye shaan-e-Habib-e-Kibriya

Tujh se kab mumkin hai midhat ae Jameel Qadri Bas Khuda khud hai sana khwan-e-Habib-e-Kibriya

Faiz-e-murshid hai Jameel Qadri tum par ki sab Tum ko kehte hain sana khwan-e-Habib-e-Kibriya a