Izn Mil Jaye Gar Madine Ka

Izn mil jaaye gar Madine ka Kaam ban jaaye ga kamine ka

Jaa ke un ﷺ ko dikhaunga main toh Zakhm-e-dil aur daagh seene ka

Qalb-e-ashiq dhadak utha ek dam Zikr jab chhid gaya Madine ka

Meri aankhon se ashk jaari hue Jab chala qafila Madine ka!

Download Lyrics & Access Offline - Install Our App Now!

Is ki qismat pe rashk aata hai Jo musafir hua Madine ka

Sab ko Aaqa ﷺ bulayenge ek din Izn mil jaaye ga Madine ka

Ho gham-e-Mustafa ﷺ ata ya Rab-e-Azzawajal Dard badhta rahe Madine ka

Naz'a mein, qabr mein, qayamat mein Tum ﷺ hi rakhna bharam kamine ka

Dard, ranj-o-alam hon dunya ke Hum ko mil jaaye gham Madine ka

Apne Attar par karam kar do Sag bana lo ise Madine ka