Izn e Taiba Ata Kijiye

Idhn-e-Taibah ata kijiye Phir karam Mustafa kijiye

Phir Madine mein aajayein hum Aisa ehsan Shaha kijiye

Lo Madinah qareeb aagaya Zairo! aankh wa kijiye

Download Lyrics & Access Offline - Install Our App Now!

Sabz gunbad par ae zairo! Jaan apni fida kijiye

De ke gham apna duniya ke har Ranj-o-gham ki dawa kijiye

Raat din kaash! roya karoon Aisi riqqat ata kijiye

Ik nazar hi ki to baat hai Mast-o-bekhud Shaha kijiye

Koi phera gareebon ke ghar Khair se Sarwara kijiye

Zor-e-toofan hai nakhuda Paar beda mera kijiye

Maah-e-Milad phir aagaya Zikr, Milad ka kijiye

Chherna ho jo shaitan ko Un ka charcha kiya kijiye

Azpaye Shah-e-Karb-o-Bala Door ranj-o-bala kijiye

Apne qadmon mein madfan ata Ya Rasool-e-Khuda kijiye

Qabr mein ghup andhera hai aap Aakar ab chandna kijiye

Pyare Aqa khazana mujhe Aansuon ka ata kijiye

Hasidon se hasad ka marz Door Ya Mustafa kijiye

Saare a'ada ka khana kharab Ya Ali Murtaza kijiye

Dushmanon se na hargiz daroon Hausla woh ata kijiye

Mere saare muhibbeen ko Jaam-e-ulfat ata kijiye

Jis qadar mere ahbab hain Shah! sab ka bhala kijiye

Aah! mujrim hai Mizan par Palla bhari mera kijiye

Paas husn-e-amal hai kahan! Lutf Shah-e-Dunya kijiye

Aah! tareeki-e-Pul-e-Sirat! Rahm Shams-ud-Duha kijiye

Fard-e-jurm aah! aaid hui Ab shafa'at Shaha kijiye

Le ke dozakh malaik chale Aap aakar riha kijiye

Khana jaye kahin mujh ko aag Rahm-o-lutf-o-ata kijiye

Ab shafa'at paye Ahl-e-Bait Ya Shafee-ul-Wara kijiye

Char yaron ka sadqa Shaha Khuld mein ja ata kijiye

Idhn, Attar ko ab Huzoor Haziri ka ata kijiye