Izat e Arsh o Falak

Izzat-e-arsh-o-falak paaye Rasool-e-Arabi Arsh-e-Rahman bana jaaye Rasool-e-Arabi

Sar mein Ya Rabb rahe sauda-e-Rasool-e-Arabi Aur aankhon mein tajalla-e-Rasool-e-Arabi

Jin ke dil mein hai tawalla-e-Rasool-e-Arabi Kyun na bhaaye unhein sahra-e-Rasool-e-Arabi

Daagh-e-ishq-e-Shah-e-Deen roz taraqqi pe rahe Meri aankhein rahein joya-e-Rasool-e-Arabi

Us qad-e-paak ka saaya nazar aata kyunkar Noor hi noor hain a'za-e-Rasool-e-Arabi

Tishna kaamon tumhein muzda ke baroz-e-mahshar Josh par aa gaya darya-e-Rasool-e-Arabi

Eid ho mujh ko ke dekhun kabhi deedar-e-Khuda Aur kabhi surat-e-zeba-e-Rasool-e-Arabi

Kyun dikhata hai tapish-e-mehr-e-qayamat hum ko Dekh hoshiyar ke woh aaye Rasool-e-Arabi

Ab barasti hai shafa'at ki bharran ummat par Bakhshwane ke liye aaye Rasool-e-Arabi

Ummati wird-e-zabaan taaj-e-karamat bar sar Yun shafa'at ke liye aaye Rasool-e-Arabi

Kyun na mahshar mein pareshan phire woh kambakht Jis ke sar mein nahin sauda-e-Rasool-e-Arabi

Hukm hoga ke use dakhil-e-Jannat kar do Jis ke dil mein hai tamanna-e-Rasool-e-Arabi

Zer-e-daaman-e-Nabi hashr mein hum dekhein sair Jab jalein naar mein a'da-e-Rasool-e-Arabi

No More Screenshots! Save Storage with Our Lyrics App!

Chashm-e-Siddique se dekhe koi un ki surat Noor hi noor nazar aaye Rasool-e-Arabi

Apni aankhon ko malun jaan tasadduq kar dun Dekhun gar naqsh-e-kaf-e-paaye Rasool-e-Arabi

Gar sawalaat-e-Nakirein se wahshat ho mujhe Munh se nikle ke hun sheyda-e-Rasool-e-Arabi

Hoor-o-ghilmaan-o-Jinaan kyun na hon tere mushtaq Hai wazifa mera asma-e-Rasool-e-Arabi

Hai tamanna-e-Jameel-e-Rizvi Ya Allah Mera maskan bane sahra-e-Rasool-e-Arabi