Ishq-e-Ahmed Se Khuda Milta Hai

عشقِ احمدﷺ خدا سے ملتا ہے رب نبیﷺ کی رضا سے ملتا ہے

علم و حکمت، کمال فکر و شعور سب درِ مصطفیٰﷺ سے ملتا ہے

با خدا جب کبھی سوال کریں اُن کے دستِ عطا سے ملتا ہے

مانگنے کا اگر سلیقہ ہو فیض اُن کے گدا سے ملتا ہے

زائرو! یوں حضورﷺ سے ملنا جیسے بندہ خدا سے ملتا ہے

Offline Lyrics Anytime, Anywhere - Download the App Today!

کتنے خوش بخت ہیں وہ لوگ جنہیں لطف اُن کی ثناء سے ملتا ہے

راہِ عرفاں کے ہر مسافر کو فیض اس رہنما سے ملتا ہے

ہم سے شہزاد سب فقیروں کو شاہِ جود و سخا سے ملتا ہے