Hum Rasool e Madni Ko

Hum Rasool-e-Madani ko na Khuda jaante hain Aur na Allah Ta'ala se juda jaante hain

Donon aalam tumhein Mehboob-e-Khuda jaante hain Haq yeh hai ba'd-e-Khuda sab se bada jaante hain

Apni hasti jo tere dar pe mita jaante hain Kuch wahi lutf-e-fana aur baqa jaante hain

Na adab aur na teri madh-o-sana jaante hain Haath phailaaye tere dar pe sada jaante hain

Mere Daata mere Maula mujhe tukda mil jaaye Be-nawa us ke siwa aur na sada jaante hain

Wasl-o-furqat ka koi haal to un se poochay Tere dar par jo tadapne ka maza jaante hain

Aankhon walon ko nazar aate hain un ke jalway Un ke deedar ko deedar-e-Khuda jaante hain

Asl ko chhod ke kis wastay shakhain pakdayn Hum to imaan faqat teri raza jaante hain

Ya Rasool-e-Arabi kyun na rakhein wird-e-zabaan Aap ke naam ko hum naam-e-Khuda jaante hain

Sar hai Ka'ba ki taraf dil hai tumhari jaanib Aisay sajda ko to ushshaq rawa jaante hain

Jaan-e-Isa tere i'jaaz ka kehna kya hai Jabkeh banday tere murdon ko jila jaante hain

Tere zuwwaar ko rehbar ki zaroorat kya hai Teri khushbu se tere ghar ka pata jaante hain

Kyun bhataktay phirein Sarkar ke banday dar dar Bigdiyyan sab ki woh ik pal mein bana jaante hain

Dar-e-aqdas pe tumhaaray jo paday rehtay hain Badh ke jannat se Madinay ki faza jaante hain

Qabr-o-mahshar se darein kis liye Aasi un ke Jo ishaar-e-se aseeron ko chuda jaante hain

Haq ne tum ko diya tum baant-tay ho aalam mein Jo mila jis ko tumhara hi diya jaante hain

Be-adab dushman-e-deen mehfil-e-milad hai yeh Un ke ushshaq hi kuch is ka maza jaante hain

Be-basar un ki wajahat ko bhala kya jaanay Ahl-e-imaan unhein shaan-e-Khuda jaante hain

"Aalim-ul-ghaibi fala yuzhir" aayat padh lo Tab yeh maloom ho tum ko keh woh kya jaante hain

Why Screenshot When You Can Download? Get the App for Efficient Storage!

Aalim-ul-Ghaib ne har ghaib sikhaya un ko Zarra zarra ki khabar Shah-e-Huda jaante hain

Aayat-e-Allamaka hai mere da'way ki daleel Is ka munkir hi kahay ga keh woh kya jaante hain

Saamnay un ke do aalam hain misaal-e-kaf-e-dast Un ke irshaad ko hum haq ba-Khuda jaante hain

Awliya ke liye farmatay hain Maulana Room Loh-e-Mehfooz mein jo kuch hai likha jaante hain

Hum yeh kab kehtay hain zaati hai uloom-e-Sarkar Az azal ta ba-abad sab ba-ataa jaante hain

Ilm-e-Sarkar hai haadis to Khuda ka hai qadeem Ab na kehna yeh kabhi tum keh woh kya jaante hain

Is ko jo shirk batatay hain Wahabi murtad To Khuda hi ko woh zaalim na Khuda jaante hain

Dawlat-ul-Makkiyah ne un pe qayamat todi Ab Wahabi na kahein gay keh woh kya jaante hain

Muzdah-e-naar suna un ko Jameel Qadri Zaat-e-Rehman se jo un ko juda jaante hain