Hum Ne Taqseer Ki Adat

Hum ne taqseer ki aadat karli Aap apne pe qayamat karli

Main chala hi tha mujhe rok liya Mere Allah ne rahmat karli

Zikr-e-Shah sun ke hue bazm mein mahv Hum ne jalwat mein bhi khalwat karli

Naar-e-dozakh se bachaya mujh ko Mere pyare badi rahmat karli

Baal bika na hua phir us ka Aap ne jis ki himayat karli

Rakh diya sar qadam-e-janan par Apne bachne ki yeh surat karli

Naimatein hum ko khilayein aur Aap Jau ki roti pe qana'at karli

Us se Firdous ki surat poocho Jis ne Taiba ki ziyarat karli

Stop Wasting Storage - Download Lyrics in Lightweight Text Format!

Shan-e-rahmat ke tasadduq jaaun Mujh se aasi ki himayat karli

Faaqa maston ko shikam seer kiya Aap faaqa pe qana'at karli

Ae Hassan kaam ka kuch kaam kiya Ya yoonhi khatm pe rukhsat karli