Hum Ne Taqseer Ki Adat

ہم نے تقصیر کی عادت کرلی آپ اپنے پہ قیامت کرلی

میں چلا ہی تھا مجھے روک لیا مِرے اللہ نے رحمت کر لی

ذِکرِ شہ سن کے ہوئے بزم میں محو ہم نے جلوت میں بھی خلوت کر لی

نارِ دوزخ سے بچایا مجھ کو مِرے پیارے بڑی رحمت کرلی

No More Screenshots! Save Storage with Our Lyrics App!

بال بیکا نہ ہوا پھر اس کا آپ نے جس کی حمایت کرلی

رَکھ دیا سر قدمِ جاناں پر اپنے بچنے کی یہ صورت کرلی

نعمتیں ہم کو کھلائیں اور آپ جو کی روٹی پہ قناعت کرلی

اس سے فردوس کی صورت پوچھو جس نے طیبہ کی زِیارت کرلی

شانِ رحمت کے تصدق جاؤں مجھ سے عاصی کی حمایت کر لی

فاقہ مستوں کو شکم سیر کیا آپ فاقہ پہ قناعت کرلی

اے حسنؔ کام کا کچھ کام کیا یا یوہیں ختم پہ رخصت کرلی