Aasiyo Ko Dar Tumhara Mill Gaya

عاصیوں کو در تمہارا مل گیا بے ٹھکانوں کو ٹھکانہ مل گیا

فضلِ رب سے پھر کمی کس بات کی مل گیا سب کچھ جو طیبہ مل گیا

اُن کے در نے سب سے مستغنی کیا بے طلب بے خواہش اتنا مل گیا

ناخدائی کے لۓ آۓ حضور ڈوبتوں کو سہارا مل گیا

دونوں عالم سے مجھے کیوں کھودیا نفس خود طلب تجھے کیا مل گیا

آنکھیں پُرنم ہو گئیں سرجھک گیا جب ترا نقشِ کفِ پا مل گیا

خلد کیسا کیا چمن کس کا وطن مجھ کو صحراۓ مدینہ مل گیا

ہے محبت کس قدر نامِ خدا نامِ حق سے نامِ والا مل گیا

تیرے درکے ٹکڑےہیں اورمیں غریب مجھ کو روزی کا ٹھکانہ مل گیا

اے حسن فردوس میں جائیں جناب ہم کو صحراۓ مدینہ مل گیا