Hum Hain Qalam Dawaat

Hum hain, qalam dawaat hai, maidan-e-naat hai Roz-e-alast se hamein farman-e-naat hai

Aalam fidaye wus'at-e-daman-e-naat hai Jis jis ko dekhiye wohi qurban-e-naat hai

Naatein hain is mein jaise hon Quran ki aayatein Seene mein dil nahi mere, juzdan-e-naat hai

Har daur ke shaoor ki tashkeel ke liye Darkaar har zamane ko faizan-e-naat hai

Noor-e-tajalliyat-e-risalat ke faiz se ’’Har shoba-e-hayat mein imkan-e-naat hai‘‘

Kaliyan chatak chatak ke yahi keh rahi thin sab Hum ko bhi shauq-e-deed hai, arman-e-naat hai

Tulte hi ja rahe hain jo deewan haaye naat Meezan-e-adl hai ke yeh meezan-e-naat hai

Hassan ek fard nahi ek soch hai Midhat sara hai jo bhi woh Hassan-e-naat hai

Tauseef-e-Mustafa ki hai tauseef-e-kirdagar Bain-us-sutoor-e-hamd bhi unwan-e-naat hai

Is par fida, hai jis ko wadee'at shaoor-e-naat Is par nisar jo bhi sukh-dan-e-naat hai

Talqeen khud Huzoor ne Saadi ko jo kiya Woh misra-e-durood hi sultan-e-naat hai

Ae wajah-e-kun fayakun! Shah-e-ma kana ma yakoon Bas teri zaat ke liye imkan-e-naat hai

"La yumkinus-sana'u kama kana haqqaHu" Zikr-e-ulu-o-martabat-o-shan-e-naat hai

No Internet? No Problem! Get the App for Offline Lyrics!

"Ghalib! Sana'e Khwaja ba Yazdaan guzashtim" Ajz-e-bayaan-e-abd-e-qadardan-e-naat hai

Sayyah-e-lamakan teri ik sair ke tufail Ab lamakan bhi shamil-e-imkan-e-naat hai

Aajiz fuvoor-e-shauq mein had-e-adab rahe La tarfa'u isi liye darban-e-naat hai