Hua Hai Jalwa Numa

Hawa hai jalwa-numa woh nigaar aankhon mein Ke aaj phool rahi hai bahaar aankhon mein

Naqaab uth gaya kya roo-e-maah-e-Tayyaba se Ke shash-jahat se hai noor aashkaar aankhon mein

Nazar mein aisa samaya hai gulshan-e-Tayyaba Khula hua hai ajab lala-zaar aankhon mein

Urooj par ho hamara sitara-e-qismat Banay tumhara agar reh-guzar aankhon mein

Stop Wasting Storage - Download Lyrics in Lightweight Text Format!

Tumhare aariz-e-pur-noor dekhne ke liye Hai jaan-e-zaar bahut be-qarar aankhon mein

Paroye jaate hain mizgaan mein waqt-e-zikr-e-Nabi Bharay hain durr-e-adn aabdaar aankhon mein

Hai waqt-e-naz’a tasalli-e-jaan-e-muztar ho Zara toh lijiye dam bhar qarar aankhon mein

Na kyun lahad meri jannat ka ik makaan ban jaye Main le ke aaya hoon tasweer-e-yaar aankhon mein

Jinhon ne dekha tumhara jamaal ek nazar Hawa hai jalwa-e-Haq aashkaar aankhon mein

Main le ke kya karoon gulha-e-khuld ae Zahid Basay huay hain Madine ke khaar aankhon mein

Pasand aur nahin kuch bhi juz tasawwur-e-yaar Hain putliyan bhi bari hoshyar aankhon mein

Zameen-e-Tayyaba ko yun fakhr ho gaya haasil Lagayi khaak-e-qadam baar baar aankhon mein

Yeh kis ne naam-e-Madina liya mere aagay Ke ashk aa gaye be-ikhtiyar aankhon mein

Mah-e-Madina ka dekha na chehra-e-anwar Nigah roti hai yun zaar zaar aankhon mein

Zameen-e-Tayyaba na kyun aasmaan se oonchi ho Banaya us ne Nabi ka mazaar aankhon mein

Raza ke haath se pi hai Jameel ne woh may Ke jis ka roz barhay ga khumaar aankhon mein