Hirz e Jaan Zikr e Shafaat

Hirz-e-jaan zikr-e-shafa'at kijiye Naar se bachne ki soorat kijiye

Un ke naqsh-e-pa pe ghairat kijiye Aankh se chup kar ziyaarat kijiye

Un ke husn-e-ba-malahat par nisaar Sheer-e-jaan ki halawat kijiye

Un ke dar par jaise ho mit jaiye Na-tawano! kuch to himmat kijiye

Pher dijiye panja-e-dev-e-la'een Mustafa ke bal pe taaqat kijiye

Doob kar yaad-e-lab-e-shaadab mein Aab-e-Kausar ki sabahat kijiye

Yaad-e-qamat karte uthiye qabr se Jaan-e-mahshar par qayaamat kijiye

Un ke dar par baithiye ban kar faqeer Be-nawa'o fikr-e-sarwat kijiye

Jis ka husn Allah ko bhi bha gaya Aise pyaare se mohabbat kijiye

Hay-e-baqi jis ki karta hai sana Marte dam tak us ki midhat kijiye

Arsh par jis ki kamanain charh gayin Sadqe us baazu pe quwwat kijiye

Neem-wa Tayyibah ke phoolon par ho aankh Bulblo! paas-e-nazaakat kijiye

Sar se girta hai abhi baar-e-gunaah Kham zara farq-e-iraadat kijiye

Aankh to uthti nahi kya dein jawaab Hum pe be-pursish hi rehmat kijiye

Uzr-e-badtar az gunah ka zikr kya Be-sabab hum par inaayat kijiye

Na'ara kijiye Ya Rasool Allah ka Mufliso! saamaan-e-daulat kijiye

Never Be Without Your Favorite Lyrics - Get the App for Offline Access!

Hum tumhaare ho ke kis ke paas jayin Sadqa shahzaadon ka rehmat kijiye

Man raani qad ra'al Haq jo kahe Kya bayaan us ki haqeeqat kijiye

Aalam-e-ilm-e-do aalam hain Huzoor Aap se kya arz-e-haajat kijiye

Aap Sultan-e-Jahan hum be-nawa Yaad hum ko waqt-e-ni'amat kijiye

Tujh se kya kya ai mere Tayyibah ke chaand Zulmat-e-gham ki shikaayat kijiye

Dar badar kab tak phirein khasta kharaab Tayyibah mein madfan inaayat kijiye

Har baras woh qaafilon ki dhoom dhaam Aah suniye aur ghaflat kijiye

Phir palat kar munh na us jaanib kiya Sach hai aur da'wa-e-ulfat kijiye

Aqriba hubb-e-watan be-himati Aah kis kis ki shikaayat kijiye

Ab to Aaqa munh dikhaane ka nahi Kis tarah raf'-e-nadaamat kijiye

Apne haathon khud luta baithe hain ghar Kis pe da'wa-e-baza'at kijiye

Kis se kahiye kya kiya kya ho gaya Khud hi apne par malaamat kijiye

Arz ka bhi ab to munh parta nahi Kya ilaaj-e-dard-e-furqat kijiye

Apni ik meethi nazar ke shehd se Chaara-e-zehr-e-museebat kijiye

De Khuda himmat ke yeh jaan-e-hazein Aap par waarein woh soorat kijiye

Aap hum se barh ke hum par meherbaan Hum karein jurm aap rehmat kijiye

Jo na bhoola hum ghareebon ko Raza Yaad us ki apni aadat kijiye