Har Jaga Hain Jalwa

Har jagah hain jalwa-gastar dekh lo Har makan har dil ke andar dekh lo

Un ka jalwa har jagah maujood hai Chaaho jis dam aankh utha kar dekh lo

Arsh-o-farsh-o-la-makan hi mein nahin Balkay har zarra ke andar dekh lo

Is qadar rakho tasawwur har ghari Un ki surat dil ke andar dekh lo

More Lyrics, Less Storage - Install the App and Ditch the Screenshots!

Ru'yat-e-Haq ki tamanna hai agar Shah ka ru-e-munawwar dekh lo

Chaudhween ka chand bhi sharma'ay ga Khak-e-Taibah munh pe mal kar dekh lo

Khuld aayegi mananay ke liye Aastaan par un ke mar kar dekh lo

Chahtay ho gar rahay baqi nishan Aastaan par un ke mit kar dekh lo

Yun munadi hashr mein day ga nida Kashti-e-ummat ka langar dekh lo

Pyaas se bahar zabanain aa gayin Bahr-e-Haq Ya Shah-e-Kausar dekh lo

Arsh-o-farsh-o-la-makan sab milk hain Aisay hotay hain tunagar dekh lo

Arz-e-hajat ki zaroorat hi nahin Haal sab roshan hai tum par dekh lo

Hai phansa gham mein Jameel Qadri Rahm-e-gastar banda-parwar dekh lo