Haqiqat Aap Ki Haq Janta Hai

Haqeeqat aap ki haq jaanta hai Woh wahm-o-fahm se Aaqa wara hai

Kuch aisa aap ko haq ne kiya hai Ke khud woh aap ka taalib hua hai

Buland itna tujhe haq ne kiya hai Ke arsh-e-haq bhi tere zair-e-pa hai

Jo auron ke ulu ki inteha hai Woh Sarkari ulu ki ibtida hai

Khuda ki zaat tak tu hi rasa hai Kisi ka bhi ye aali martaba hai

Na hai tum sa na koi hoga aage Na aye Aaqa koi tum sa hua hai

Malaik mein rusul mein ambiya mein Koi arsh-e-ala tak bhi gaya hai

Ta’ala Allah teri shaan-e-aali Jalaalat-e-shaan ki kya inteha hai

Nikali zawraq-e-khursheed doobi Ishare se qamar tukde kiya hai

Tumhein ho doosra mein sab se baala Bas ik Allah hi tum se siwa hai

Teri surat se hai haq aashkara Khuda bhati teri har har ada hai

Nahi ho sakta tujh se koi bahar Ke tu hi mubtada-o-muntaha hai

Get Lyrics On-The-Go! Download Our App Now!

Tu hai noor-e-Khuda phir saya kaisa Kahin bhi noor ka saya pada hai

Tu hai zill-e-Khuda wallah billah Kahin saaye ka bhi saya pada hai

Zameen par tera saya kaise padta Tera mansoob arfa daima hai

Khuda ka fazl-e-aazam aap par hai Sikha sab kuch tumhein haq ne diya hai

Na minnat tum pe ustadon ki rakhi Tumhara ummi hona mojiza hai

Hatheli ki tarah pesh-e-nazar hai Hawa jo hoga jo kuch ho raha hai

Na koi raaz ho posheeda tum se Na koi raaz posheeda raha hai

Chupa tum se rahe kyonkar koi raaz Khuda bhi to nahi tum se chupa hai

Musallat ghaib par tu kyon na hota Nabi-o-Mujtaba-o-Murtaza hai

Teri marzi raza-e-haq hai Mawla Raza-e-haq teri marzi Shaha hai

Guzar tera hua hai jo gali se Teri khushbu se har zarra basa hai

Duroodein tum pe haq ki hon hamesha Hamari haq se har dam ye dua hai

Durood us par ho jis par haq duroodein Ba-har-lahza ba-har-dam bhejta hai

Salam us par jo hai matloob rab ka Salam us par jo mahboob-e-Khuda hai

Salam us par ye bahr-o-bar hain jis ke Salam us par jo Shah-e-dosara hai

Jis Aaqa ke malaik hain salami Jo Shah-e-kursi-o-Arsh-e-ala hai

Khuda ki saltanat ka jo hai dulha Salam us par jo rahmat ka bana hai

Jise sang-o-shajar tasleemein karte Salam us par jo aisa baadsha hai

Salam us par jo awwal hai rusul ka Salam us par jo Khatm-ul-Anbiya hai

Salam awwal ka awwal par hamesha Salam-e-baqi ho jab tak baqa hai

Salam aakhir ka aakhir par ho daaim Na bas aalam hi tak jis ko fana hai

Salam-e-zahir-o-batin ho us par Jo zahir ho ke batin ho gaya hai

Salam aye jaan-e-rahmat kaan-e-nemat Salam aye ke woh shaan-e-haq-numa hai

Rahe jalwa tumhara dil ke andar Mere pyare ye dil ka mudda’a hai

Rahe pesh-e-nazar woh roo-e-anwar Tarasti aankhon ki ye iltija hai

Sharab-e-deed se dil shaad kijiye Hamare dard ki ye hi dawa hai

Yahin hai be-thikano ka thikana Yahin Shah-o-gada sab ka thiya hai

Dam-e-aakhir tu aaja jaan-e-Isa Hain saaqit nabzein ghungar bolta hai

Dam-e-aakhir chale aao khudara Dikha do marne wala ji raha hai

Tere qadmon mein jis ko maut aaye Hayaat-e-jaweda us ki qaza hai

Hata dijiye rukh-e-anwar se gesu Andhera qabr ka kaali bala hai

Sungha dijiye hamein woh zulf-e-mushkein Sifat mein jis ki Wallayli saja hai

Dikha dijiye Shaha pur-noor chehra Sifat mein jis ki Wash-shams aur duha hai

Tere qurban aye zulf-e-mu’ambar Hamare sar hujoom-e-bad-bala hai

Mere sar se balayein door farma Balau mein ye banda mubtala hai

Naheef-o-natawan Sarkar hum hain Bahut sabr-azma ye ibtila hai

Pareshan hoon pareshani karo door Balau mein ye banda mubtala hai

Na kijiye door apne dar se hum ko Pada rehne do jo dar par pada hai

Shaheed-e-Karbala ka sadqa de de Tu Shaha dafi-e-karb-o-bala hai

Pareshan hoon pareshani karo door Pareshan sa pareshan dil mera hai

Pareshani watan ki yaad karke Pareshan dil abhi se ho raha hai

Pareshani hai goona-goon watan mein Pareshan un ko farma do to kya hai

Yahan kyon kar na dil aaram paaye Jahan aaram-e-jaan-o-dil mera hai

Main ghar jaaun to un mein ghar na jaaun Yahan bas ye tafakkur ho raha hai

Rumooz-e-maslihat Sarkar jaanein Agar wapas hi farmana bhala hai

Magar itni guzarish ki ijazat Ye banda dast-basta chahta hai

Hamein phir apne qadmon mein bulana Yahi Mawla Ta’ala se dua hai

Ke phir Sarkar ke qadmon mein laaye Yahin par marne jeene mein maza hai

Qayamat hai qayamat hai qayamat Jidhar dekho udhar mahshar bapa hai

Zameen taambe ki hai suraj saron par Tapish se bheeja sar mein kholta hai

Zara sa bhi nahi saya kahin par Arq itna baha darya baha hai

Zabanein sookhi hain kaante jame hain Atash se haal abtar ho raha hai

Kaleje munh ko aaye dam ghute hain Ulat kar dil gale mein aa raha hai

Sarapa koi to gharq-e-araq hai Kisi ke munh tak aakar reh gaya hai

Tadapta hai koi be-chain ho kar Koi gir kar zameen par lot-ta hai

Misal-e-mahi-e-be-aab koi Koi jal kar kabab-e-sokhta hai

Ajab hi kas-mepursi ka hai aalam Jise dekho bhadakta bhagta hai

Zan-o-sho mein nahi baqi ta’aruf Na bhai bhai ko pehchanta hai

Na koi aaj haami hai na yawar Kahin kis se ke aisa maajra hai

Bure ahwal hain is roz uff uff Bahut ahwal-e-be ka saamna hai

Koi haanpe koi kaanpe karah-e Koi rota koi chilla raha hai

Hai daro-geer ka hangama barpa Bahut sakht aafton ka saamna hai

Rusul bhi nafsi nafsi keh rahe hain Himayat ka kise ab aasra hai

Bandhe gi aas apni ba’d-e-har yaas Usi se jo hamara aasra hai

Usi ke paas sab pahunchenge aakhir Woh jis ka naam-e-naami Mustafa hai

Shafa’at ka usi ke sar hai sehra Wohi is bazm ka dulha bana hai

Chalo aye aasiyo kyon kud-h rahe ho Woh mahboob-e-Khuda jalwa-numa hai

Malool aye gham-zada tum kis liye ho Woh pyara Mustafa jab gham-zada hai

Sunenge sunne wale izhabu ke Zaban-e-paak par Inni laha hai

Mazaalim kar lein jitne howein zalim Na kar gham Noori apna bhi Khuda hai