Hai Yeh Jo Kuch Bhi

Hai yeh jo kuch bhi jahan ki raunaq Ya Nabi sab hai tumhari raunaq

Arsh-o-kursi hai tumhi se roshan Farsh par bhi hai tumhari raunaq

Dekhein Taiba ko toh Rizwan keh dein Hum ne dekhi nahi aisi raunaq

Khuld-o-aflaak muzayyan hain sabhi Phir hai Taiba ki nirali raunaq

Muskura dijiye Ya Shah ke ho Do-jahan mein abhi dooni raunaq

Hoor-o-ghilman malak-o-jin-o-bashar Hai yeh sab aap ke dam ki raunaq

Tum nahi thay toh nahi tha kuch bhi Tum na hotay toh na hoti raunaq

Main hoon mehboob-e-Khuda ka maddah Meri turbat pe bhi hogi raunaq

More Lyrics, Less Storage - Install the App and Ditch the Screenshots!

Ek din chal ke Jameel Razvi Dekhiye un ki gali ki raunaq