Hai Yeh Jo Kuch Bhi

ہے یہ جو کچھ بھی جہاں کی رونق یانبی سب ہے تمہاری رونق

عرش و کرسی ہے تمہیں سے روشن فرش پر بھی ہے تمہاری رونق

دیکھیں طیبہ کو تو رضواں کہہ دیں ہم نے دیکھی نہیں ایسی رونق

Download Lyrics & Access Offline - Install Our App Now!

خلد و اَفلاک مزین ہیں سبھی پھر ہے طیبہ کی نرالی رونق

مسکرا دیجیے یاشاہ کہ ہو دوجہاں میں ابھی دُونی رونق

حور و غلماں مَلک و جن و بشر ہے یہ سب آپ کے دم کی رونق

تم نہیں تھے تو نہیں تھا کچھ بھی تم نہ ہوتے تو نہ ہوتی رونق

میں ہوں محبوبِ خدا کا مَدَّاح میری تربت پہ بھی ہوگی رونق

ایک دن چل کے جمیلؔ رَضوی دیکھیے اُن کی گلی کی رونق