Hai Pak Rutba Fikr Se

Hai pak rutba fikr se us be-niyaz ka Kuch dakhl aql ka hai na kaam imtiaz ka

Shah-rag se kyun visal hai aankhon se kyun hijab Kya kaam is jagah khird-e-harza-taz ka

Lab band aur dil mein hain jalwe bhare hue Allah re jigar tere aagah-e-raaz ka

Ghash aa gaya Kaleem se mushtaq-e-deed ko Jalwa bhi be-niyaz hai us be-niyaz ka

Har shay se hain ayan mere Sane ki san'atein Aalam sab aainon mein hai Aaina-saz ka

Aflak-o-arz sab tere farman-pazeer hain Hakim hai tu jahan ke nasheb-o-faraz ka

Is be-kasi mein dil ko mere tek lag gayi Shohra suna jo rehmat-e-be-kas-nawaz ka

Manind-e-shama teri taraf lau lagi rahe De lutf meri jaan ko soz-o-gudaz ka

Your Lyrics, Even Offline - Install the App for Free!

Tu be-hisab bakhsh ke hain be-shumar jurm Deta hoon wasta tujhe Shah-e-Hijaz ka

Bande pe tere nafs-e-la'een ho gaya muheet Allah kar ilaaj meri hirs-o-aaz ka

Kyun kar na mere kaam banein ghaib se Hassan Banda bhi hoon toh kaise bade karsaz ka