Gham Ke Badal Chatein

Gham ke baadal chhatein qafilay mein chalo Khoob khushiyan milein qafilay mein chalo

Maal chori hua, ya kahein gum gaya Khair hogi sunein, qafilay mein chalo

Maango aa kar duaa, paao gay muddaa Dar-e-karam ke khulein, qafilay mein chalo

Achhi sohbat milay, khoob barkat milay Chal paro chal parein qafilay mein chalo

Loot lein rehmatein, khoob lein barkatein Khwaab achhay dikhein, qafilay mein chalo

Kufr ki kaalikein, door hon zulmatein Aao koshish karein, qafilay mein chalo

Rabb ke dar par jhukein, iltijaayein karein Baab-e-rehmat khulein, qafilay mein chalo

Hai Nabi ki nazar, qafilay walon par Paao gay raahatein qafilay mein chalo

Saadgi chahiye, aajizi chahiye Lenay yeh ne'matein, qafilay mein chalo

Aashiqan-e-Rasool, aaye sunnat ke phool Denay lenay chalein, qafilay mein chalo

Detay hain faiz-e-aam, auliya-e-kiraam Lootnay sab chalein, qafilay mein chalo

Auliya ka karam, tum pe ho lajaram Khoob jalway milein, qafilay mein chalo

Khwaab mein darr lagay, bojh dil par lagay Aaiye chal parein, qafilay mein chalo

Ghaibi imdaad ho, ghar bhi aabaad ho Lutf-e-Haq dekh lein, qafilay mein chalo

Tangdasti mitay, door aafat hatay Lenay ko barkatein, qafilay mein chalo

Be-amal ba-amal ban gaye khaas kar Aap bhi dekh lein qafilay mein chalo

Khoob hoga sawaab aur talay ga azaab Paao gay bakhsishein, qafilay mein chalo

Be-shak a'maal-e-bad aur af'aal-e-bad Ki chhatein aadatein, qafilay mein chalo

Kar safar aayenge, toh sudhar jayenge Ab na susti karein, qafilay mein chalo

No More Screenshots! Save Storage with Our Lyrics App!

Dil pe gar zang ho, saara ghar tang ho Daagh saaray dhulein, qafilay mein chalo

Aisa faizan ho, hifz-e-Quran ho Khoob khushiyan milein, qafilay mein chalo

Aashiq-e-qafila ban ke ghar lo bana Qalb-e-Attar mein qafilay mein chalo