Ghair Mumkin Hai Sana e Mustafa

Ghair mumkin hai sana-e-Mustafa Khud hi wasif hai Khuda-e-Mustafa

Dil mein de ya Rab wilaye-Mustafa Aur ho seena mein jaye-Mustafa

Tere pyare ka main deewana banun Yeh dua hai ae Khuda-e-Mustafa

Mustafa hain sari khilqat ke liye Sari khilqat hai baraye-Mustafa

Dhoondte hain sab Raza Allah ki Chahta hai Haq raza-e-Mustafa

Free Up Space - Get Lyrics Without Bulky Screenshots!

Kya naseem-e-khuld khush aaye use Jis ke sar mein hai hawa-e-Mustafa

Rizq kya har cheez ke Qasim hain woh Dain Rab ki hai ata-e-Mustafa

Reh gaye Sidra pe Jibraeel-e-Ameen Arsh se bhi paar jaye-Mustafa

Dasht-e-Taiba mein bahar-e-khuld hai Jaan-e-jannat hai saraye-Mustafa

Muntazir hain jannatein us ke liye Wird hai jis ka sana-e-Mustafa

Meri ummat meri ummat bakhsh de Hai yahi har dam dua-e-Mustafa

Roz-e-mehshar un ke bando ke liye Rahbar hogi ziya-e-Mustafa

Hukm-e-Haq hoga ke jaye sab se qabl Khuld mein har har gada-e-Mustafa

Pul se guzrein un ke bande be-khatar Rabbi sallim hai sada-e-Mustafa

Yun pukare ga munadi hashr mein Asiyon muzda woh aaye-Mustafa

Apni ummat ko chhurane ke liye Hashr mein tashreef laye-Mustafa

Jaan kani ke waqt azrah-e-karam Chehra-e-anwar dikhaye-Mustafa

Poochhte kya ho farishto qabr mein Banda-e-Haq hun gada-e-Mustafa

Qabr-o-mahshar ka yahi hai ik jawab Banda-e-Haq hun gada-e-Mustafa

Mehar-e-mahshar mujh pe ho jaye ga sard Banda-e-Haq hun gada-e-Mustafa

Kyun daraye gi mujhe naar-e-jaheem Banda-e-Haq hun gada-e-Mustafa

Do qadam mein hogi tay rah-e-sirat Banda-e-Haq hun gada-e-Mustafa

Zuhd-o-taat kuch nahi hai mere paas Banda-e-Haq hun gada-e-Mustafa

Roz-e-mahshar dhoop mein hon ge adu Hum gada zer-e-liwa-e-Mustafa

Chahta hun dil se Ahmed ki Raza Mujh se raazi ho raza-e-Mustafa

Hai tamanna-e-Jameel-e-Qadri Sar ho mera aur paye-Mustafa