Eman Hai Qaal e Mustafa

Imaan hai qaal-e-Mustafai Quran hai haal-e-Mustafai

Your Lyrics, Even Offline - Install the App for Free!

Allah ki saltanat ka dulha Naqsh-e-timsal-e-Mustafai

Kul se bala rusul se a’ala Ijlal-o-jalal-e-Mustafai

Ashab nujoom-e-rahnuma hain Kashti hai Aal-e-Mustafai

Idbar se tu mujhe bacha le Pyare Iqbal-e-Mustafai

Mursal mushtaq-e-Haq hain aur Haq Mushtaq wisal-e-Mustafai

Khwahan-e-wisal-e-Kibriya hain Juyan-e-jamal-e-Mustafai

Mehboob-o-muhib ki milk hai ek Kawnain hain maal-e-Mustafai

Allah na chhoote dast-e-dil se Daman-e-khayal-e-Mustafai

Hain tere supurd sab ummeeden Ae jood-o-nawal-e-Mustafai

Roshan kar qabr be-kason ki Ae sham-e-jamal-e-Mustafai

Andher hai be-tere mera ghar Ae sham-e-jamal-e-Mustafai

Mujh ko shab-e-gham dara rahi hai Ae sham-e-jamal-e-Mustafai

Aankhon mein chamak ke dil mein aja Ae sham-e-jamal-e-Mustafai

Meri shab-e-taar din bana de Ae sham-e-jamal-e-Mustafai

Chamka de naseeb-e-bad-naseeban Ae sham-e-jamal-e-Mustafai

Qazzaq hain sar pe rah gum hai Ae sham-e-jamal-e-Mustafai

Chhaya aankhon tale andhera Ae sham-e-jamal-e-Mustafai

Dil sard hai apni lau laga de Ae sham-e-jamal-e-Mustafai

Ghanghor ghatayen gham ki chhayen Ae sham-e-jamal-e-Mustafai

Bhatka hoon to raasta bata ja Ae sham-e-jamal-e-Mustafai

Faryad dabati hai siyahi Ae sham-e-jamal-e-Mustafai

Mere dil-e-murda ko jala de Ae sham-e-jamal-e-Mustafai

Aankhen teri rah tak rahi hain Ae sham-e-jamal-e-Mustafai

Dukh mein hain andheri raat wale Ae sham-e-jamal-e-Mustafai

Tareek hai raat gham-zadon ki Ae sham-e-jamal-e-Mustafai

Ho donon jahan mein munh ujala Ae sham-e-jamal-e-Mustafai

Tareeki-e-gor se bachana Ae sham-e-jamal-e-Mustafai

Pur-noor hai tujh se bazm-e-aalam Ae sham-e-jamal-e-Mustafai

Hum teera dilon pe bhi karam kar Ae sham-e-jamal-e-Mustafai

Lillah idhar bhi koi phera Ae sham-e-jamal-e-Mustafai

Taqdeer chamak uthe Raza ki Ae sham-e-jamal-e-Mustafai