Dushman e Ahmed Pe

Dushman-e-Ahmad pe shiddat kijiye Mulhidon ki kya murawwat kijiye

Zikr un ka chhediye har baat mein Chhedna shaitan ka aadat kijiye

Misl-e-Fars zalzale hon Najd mein Zikr-e-aayaat-e-wiladat kijiye

Ghaiz mein jal jaayein be-deenon ke dil Ya Rasool Allah ki kasrat kijiye

Kijiye charcha unhein ka subh-o-shaam Jaan-e-kafir par qayamat kijiye

Aap dargah-e-Khuda mein hain wajeeh Haan shafa'at bil-wajahat kijiye

Haq tumhein farma chuka apna habeeb Ab shafa'at bil-mohabbat kijiye

Idhn kab ka mil chuka ab to Huzoor Hum ghareebon ki shafa'at kijiye

Mulhidon ka shak nikal jaaye Huzoor Janib-e-mah phir isharat kijiye

Shirk thehre jis mein ta'zeem-e-habeeb Us bure mazhab pe la'nat kijiye

Zaalimo! Mehboob ka haq tha yehi Ishq ke badle adawat kijiye

Wad-Duha, Hujuraat, Alam-nashrah se phir Momino! itmam-e-hujjat kijiye

Baithte uthte Huzoor-e-paak se Iltija-o-isti'anat kijiye

Ya Rasool Allah duhai aap ki Goshmaal-e-ahl-e-bid'at kijiye

Find Your Favorite Lyrics Anytime, Anywhere - Install the App Today!

Ghous-e-Azam aap se fariyaad hai Zinda phir ye paak millat kijiye

Ya Khuda tujh tak hai sab ka muntahi Auliya ko hukm-e-nusrat kijiye

Mere aaqa Hazrat-e-Achhe Miyan Ho Raza achha woh surat kijiye