Dil Mera Dunya Pe Sheda

Dil mera duniya pe shaida ho gaya Ae mere Allah yeh kya ho gaya

Kuch mere bachne ki surat kijiye Ab toh jo hona tha Maula ho gaya

Aib-posh-e-khalq daaman se tere Sab gunahgar ka parda ho gaya

Never Be Without Your Favorite Lyrics - Get the App for Offline Access!

Rakh diya jab usne patthar par qadam Saaf ik aaina paida ho gaya

Dekh kar unka farogh-e-husn-e-pa Meher zarra chaand tara ho gaya

Rab sallim woh udhar kehne lage Is taraf paar apna beda ho gaya

Jaa pada jo dasht-e-Tayyab mein Hassan Gulshan-e-jannat ghar uska ho gaya