Dil Mein Utray Harf Se

دل میں اترے حرف سے مجھ کو ملا پتا ترا معجزہ حسنِ صورت کا' زمزمۂ صدا ترا

میرا کمال فن، ترے حسن کلام کا غلام بات تھی جان فزا تری، لیجہ تھا دلربا ترا

اے مرے شاہِ شرق و غرب! نانِ جویں غزاتری اے مرے بوریانشیں! سارا جہاں گدا ترا

جاں تری سر بہ سر جمال ! دل ترا، آئینہ مثال تجھ کو ترے عدو نے بھی دیکھا تو ہوگیا ترا

سنگ زنوں میں گھر کے بھی، تونے انہیں دعا ہی دی دشت بلا سے بارہا، گزرا ہے قافلہ ترا

میرا تو کائنات میں، تیرے سوا کوئی نہیں ارض تری، سما ترے بندے ترے، خدا ترا