Kitna Sada Bhi Hai Sacha Bhi Hai Mayar Unka

کتنا سادہ بھی ہے سچا بھی ہے معیار اُن کا ان کی گفتار کا آئینہ ہے کردار ان کا

Why Screenshot When You Can Download? Get the App for Efficient Storage!

ان کو مانگا جو خدا سے تو سبھی کچھ مانگا کیوں طلب گار ہو اوروں کا طلب گار اُن کا

ان کے پیکر میں محبت کو ملی ہے تجسیم پیار کرتا ہے ہر انساں سے ، پرستار اُن کا

وہی ، ظلمات کی رگ رگ میں اترتا ہوا نور میں تو کر لیتا ہوں ہر صبح کو دیدار اُن کا

اے خدا ! اجر کے اعلان سے پہلے سن لے مجھ کو جنت سے سوا سایۃ دیوار اُن کا

پس ہر حرف وہی جلوہ فگن رہتے ہیں میری مانند مرا فن بھی وفادار اُن کا