Dil Ki Kaliyan Khilain

Dil ki kaliyan khilein qafile mein chalo Ranj-o-gham bhi mitein qafile mein chalo

Fazl ki barishein, rehmatein ne'matein Gar tumhein chaahiyein qafile mein chalo

Kafiron ko chalein, mushrikon ko chalein Dawat-e-Deen dein, qafile mein chalo

Aayiye aalimo! Deen ki tabligh ko Mil ke saare chalein, qafile mein chalo

Aao ae aashiqein, mil ke tabligh-e-Deen Kafiron ko karein, qafile mein chalo

Kafir aa jaayenge, rah-e-haq paayenge InshaAllah chalein, qafile mein chalo

Kufr ka sar jhuke, Deen ka danka baje InshaAllah chalein, qafile mein chalo

Chashm-e-beena mile sukh se jeena mile Aao saare chalein, qafile mein chalo

Dil ki kaalak dhule, dard-e-isyaan tale Aao sab chal padein, qafile mein chalo

Offline Lyrics Anytime, Anywhere - Download the App Today!

Khoob khud daariyan, aur khush akhlaqiyan Aayiye seekh lein, qafile mein chalo

Aashiqan-e-Rasool un se le lo jo phool Tum ko sunnat ke dein qafile mein chalo

Qahat saali tale, fasl phoole phale Khoob hon barishein, qafile mein chalo

Qafile mein zara, maango aakar dua Paao ge ne'matein qafile mein chalo

Chhorein may-noshiyan mat bikein gaaliyan Aayein tauba karein qafile mein chalo

Ae sharabi tu aa, aa juwari tu aa Chhootein bad aadatein qafile mein chalo

Hoga lutf-e-Khuda, aao bhai dua Mil ke saare karein, qafile mein chalo

Door bimariyan aur pareshaniyan hon gi bas chal padein, qafile mein chalo

Alsar aur cancer ab ya ho dard-e-kamar Chaliye himmat karein, qafile mein chalo

Dard garche tumhare masane mein hai Dars-e-Farooq dein qafile mein chalo

Faida aakhirat ke banane mein hai Sab muballigh kahein qafile mein chalo

Kehte Attar hain, jo mere yaar hain Woh har ek se kahein, qafile mein chalo