Dil Dard Se Bismil Ki

Dil dard se bismil ki tarah lot raha ho Seena pe tasalli ko tera haath dhara ho

Kyun apni gali mein woh ravadar-e-sada ho Jo bheek liye rah-e-gada dekh raha ho

Gar waqt-e-ajal sar teri chaukhat pe jhuka ho Jitni ho qaza ek hi sajda mein ada ho

Hamsaya-e-rehmat hai tera saya-e-deewar Rutba se tanazzul kare to zill-e-huma ho

Mauqoof nahi subh-e-qayamat hi pe yeh arz Jab aankh khule samne tu jalwa-numa ho

De usko dam-e-naz’ agar hoor bhi saghar Munh pher le jo tishna-e-deedar tera ho

Firdous ke baghon se idhar mil nahi sakta Jo koi Madinah ke bayaban mein guma ho

No More Screenshots! Save Storage with Our Lyrics App!

Dekha unhein mehshar mein to rehmat ne pukara Azaad hai jo aap ke daaman se bandha ho

Aata hai faqiron pe unhein pyar kuch aisa Khud bheek dein aur khud kahein mangta ka bhala ho

Veeran hon jab abad makan subh-e-qayamat Ujra hua dil aap ke jalwon se basa ho

Dhoondha hi karein sadr-e-qayamat ke sipahi Woh kis ko mile jo tere daaman mein chhupa ho

Jab dene ko bheek aaye sar-e-koo-e-gadayaan Lab par yeh dua thi mere mangta ka bhala ho

Jhuk kar unhein milna hai har ik khaak nasheen se Kis waaste neecha na woh daaman-e-qaba ho

Tum ko to ghulamon se hai kuch aisi mohabbat Hai tark-e-adab varna kahin hum pe fida ho

De daaliye apne lab-e-jaan-bakhsh ka sadqa Ae chara-e-dil dard-e-Hassan ki bhi dawa ho