Chor Kar Aap Sara Jahan

Chhor kar aap sara jahan chal diye Aye Amin-e-Shariat kahan chal diye

De ke hasti ka apni nishan chal diye Sab ki manzil jahan hai wahan chal diye

Kaise mah-e-mubeen be-guman chal diye Kitne zer-e-zameen aasman chal diye

Ishq-e-Sarwar mein mar kar amar ho gaye Aur fana ho ke su-e-jinan chal diye

Instant Access to Thousands of Lyrics - Tap to Install!

Aage aage Amin-e-Shariat gaye Peechhe ashkon ke sail-e-rawan chal diye

Daagh-e-ishq-e-Nabi dil mein rakhe rahe Le ke sham-e-lahad shadman chal diye

Baagh-e-Ahmed Raza ke gul-e-khushnuma Muskurate su-e-gulistan chal diye

Dekhne walo jee bhar ke dekho hamein Kal na rona ke Akhtar Miyan chal diye