Chodhvin Ka Chand Hai

Chaudhween ka chand hai roo-e-Habib Aur hilal-e-Eid abroo-e-Habib

Jaan ko qurbaan karoon misl-e-chakore Khwaab mein dekhoon agar roo-e-Habib

Arz karna be-kali meri Saba Ho guzar tera agar su-e-Habib

Zahido hai fikr tum ko khuld ki Hum ko pohanchaye Khuda koo-e-Habib

Jo fana hain ishq-e-Mola mein unhein Aati hai Taibah se khushbu-e-Habib

More Lyrics, Less Storage - Install the App and Ditch the Screenshots!

Woh Madine se uthi kali ghata Woh khule pur-noor gesoo-e-Habib

Baar baar aate the Jibreel-e-Ameen Is qadar marghoob tha koo-e-Habib

Ishq mein paas-e-shariat ho zaroor Aashiqo yeh hai tarazoo-e-Habib

Dushmanon ko zulm ke badle dua Main tere qurbaan aye khoo-e-Habib

Is ko sher-on par sharaf hasil hua Jo bana adna sag-e-koo-e-Habib

Dhoondte hain sab raza-mandi-e-Haq Haq Ta'ala hai raza-joo-e-Habib

Sab nazar rakhte hain Khaliq ki taraf Aur Khaliq ki nazar su-e-Habib

Hazrat-e-Khalid ka hai yeh tajurba Jang mein kaam aate hain moo-e-Habib

Apne oopar baar-e-alam ka liya Marhaba aye zor-e-bazoo-e-Habib

Aye Jameel Qadri hoshiyar ho Maut hai nazdeek chal su-e-Habib