Chalay Na Eman Ik Qadam Bhi

Chale na imaan ik qadam bhi, agar tera hamsafar na thehre Tera hawala diya na jaaye to zindagi motabar na thehre

Tu saaya-e-haq pehan ke aaya, har ik zamane pe tera saaya Nazar teri har kisi pe, lekin kisi ki tujh par nazar na thehre

Labon pe iyyaka nasta'een hai aur is haqeeqat pe bhi yaqeen hai Agar tere waste se maangoon koi dua be-asar na thehre

Haqeeqat-e-bandagi ki raahein, Madinah-e-Tayyibah se guzrein Mile na us shakhs ko Khuda bhi, jo teri dehleez par na thehre

Khuli hon aankhein ke neend wali na jaaye koi bhi saans khaali Durood jaari rahe labon par, yeh silsila lamha bhar na thehre

Tujhe main chaahoon aur itna chaahoon ke sab kahein, tera naqsh-e-pa hoon Tere nishaan-e-qadam ke aage koi haseen rehguzar na thehre

Why Screenshot When You Can Download? Get the App for Efficient Storage!

Yeh mere aansoo khiraj mera, mera tadapna ilaaj mera Marz mera us maqam par hai jahan koi chara-gar na thehre

Dikha do jalwa baghaur is ko, bula lo ik baar aur is ko Kahein Muzaffar bhi, shaakh par sookh jaane wala samar na thehre