Bualhawas Sun Seem o Zar

Bawal-hawas sun seem-o-zar ki bandagi achi nahin Un ke dar ki bheek achi sarwari achi nahin

Sarwari kya cheez hai un ki gadaai ke huzoor Un ke dar ki bheek achi sarwari achi nahin

Unki chaukhat choom kar khud keh rahi hai sarwari Un ke dar ki bheek achi sarwari achi nahin

Sarwari khud hai bhakaran bandagan-e-Shah ki Un ke dar ki bheek achi sarwari achi nahin

Sarwari pa kar bhi kehte hain gadayan-e-Huzoor Un ke dar ki bheek achi sarwari achi nahin

Taj-e-khud ra kasa karda goyad ein ja tajwar Un ke dar ki bheek achi sarwari achi nahin

Taj ko kasa bana kar tajwar kehte hain yun Un ke dar ki bheek achi sarwari achi nahin

Mufti-e-Azam yak-e-az marduman-e-Mustafa Is Raza-e-Mustafa se dushmani achi nahin

Hujjat-ul-Islam ae Hamid Raza babaye man Tum ko bin dekhe hamari zindagi achi nahin

Khak-e-Taibah ki talab mein khak ho yeh zindagi Khak-e-Taibah achi apni zindagi achi nahin

Arzoo mandan-e-gul kanton se bachte hain kahin Khaar-e-Taibah se teri pehlu tahi achi nahin

Dasht-e-Taibah ke fidayi se jinan ka tazkara Jo rula de khoon aisi dil lagi achi nahin

Dasht-e-Taibah chhor kar main sair-e-jannat ko chalun Rehne deeje Sheikh ji deewangi achi nahin

Free Up Space - Get Lyrics Without Bulky Screenshots!

Jo junoon-e-khuld mein kowwon ko de baithe dharm Aise andhay Sheikh ji ki pairwi achi nahin

Aql chaupayon ko de baithe Hakeem Thanvi Main na kehta tha ke sohbat Deo ki achi nahin

Yaad-e-Janan mein ma'azAllah hasti ki khabar Yaad-e-Janan mein kisi se aagahi achi nahin

Shaam-e-hijran mein hamain hai justuju us mehr ki Chaudhween ke chand teri chandni achi nahin

Tauq-e-tehzeeb-e-Farangi tor daalo momino! Teergi anjam hai yeh roshni achi nahin

Shaakh-e-gul par hi banayenge anadil aashiyan Barq se keh do ke hum se zid teri achi nahin

Jo piya ko bhaye Akhtar woh suhana raag hai Jis se na khush hon piya woh ragni achi nahin