Bheeni Suhani Subah Mein

Bhini suhani subah mein thandak jigar ki hai Kaliyan khili dilon ki hawa yeh kidhar ki hai

Khabti hui nazar mein ada kis sahar ki hai Chubhti hui jigar mein sada kis gujar ki hai

Dalein hari hari hain toh balein bhari bhari Kasht-e-amal pari hai yeh barish kidhar ki hai

Hum jaayein aur qadam se lipat kar Haram kahe Saunpa Khuda ko yeh azmat kis safar ki hai

Hum gard-e-Kaaba phirte thay kal tak aur aaj woh Hum par nisar hai yeh iradat kidhar ki hai

Kalak jabeen ki sajda-e-dar se chhuraoge Mujh ko bhi le chalo yeh tamanna Hajar ki hai

Dooba hua hai shauq mein Zamzam aur aankh se Jhaale baras rahe hain yeh hasrat kidhar ki hai

Barsa ke jaane walon pe gohar karoon nisar Abr-e-karam se arz yeh mizab-e-zar ki hai

Aaghosh-e-shauq khole hai jin ke liye Hateem Woh phir ke dekhte nahin yeh dhun kidhar ki hai

Haan haan reh-e-Madinah hai ghafil zara toh jaag Ae paaon rakhne wale yeh ja chashm-o-sar ki hai

Waron qadam qadam pe ke har dam hai jaan-e-nau Yeh rah-e-jaan-fiza mere Maula ke dar ki hai

Ghadiyan gini hain barson ke yeh sub ghadi phiri Mar mar ke phir yeh sil mere seene se sar ki hai

Allahu Akbar! Apne qadam aur yeh khaak-e-paak Hasrat malaika ko jahan vaz-e-sar ki hai

Meraj ka samaan hai kahan pahunche zairo! Kursi se oonchi kursi isi paak ghar ki hai

Ushshaq-e-raudah sajda mein sue Haram jhuke Allah jaanta hai ke niyat kidhar ki hai

Yeh ghar yeh dar hai us ka jo ghar dar se paak hai Mujda ho be-gharo ke sala achhe ghar ki hai

Mehboob-e-Rabb-e-Arsh hai us sabz qubba mein Pehlu mein jalwa-gah Atiq-o-Umar ki hai

Chhaye malaika hain lagatar hai durood Badle hain pehre badli mein barish-e-durr ki hai

Sa'dain ka qiran hai pehlu-e-maah mein Jhurmat kiye hain taare tajalli qamar ki hai

Sattar hazaar subah hain sattar hazaar shaam Yun bandagi-e-zulf-o-rukh aathon pehar ki hai

Jo ek baar aaye dobara na aayenge Rukhsat hi bargah se bas is qadar ki hai

Tarpa karein badal ke phir aana kahan naseeb Be-hukm kab majaal parinde ko par ki hai

Ae waye be-kasi-e-tamanna ke ab umeed Din ko na shaam ki hai na shab ko sahar ki hai

Yeh badliyan na hon toh karoron ki aas jaaye Aur bargah marhamat-e-aam tar ki hai

Masoomon ko hai umr mein sirf ek baar baar Aasi pade rahein toh sala umr bhar ki hai

Zinda rahein toh haaziri-e-bargah naseeb Mar jaayein toh hayat-e-abad aish ghar ki hai

Muflis aur aise dar se phire be-ghani huye Chandi har ek tarah toh yahan gadiya-gar ki hai

Janaan pe takiya khaak-e-nihaali hai dil nihaal Haan be-nawaao khoob yeh surat guzar ki hai

Hain chhatr-o-takht saya-e-deewar-o-khaak-e-dar Shahon ko kab naseeb yeh dhaj kar-o-farr ki hai

Is paak ko mein khaak-e-basar sar-ba-khaak hain Samjhe hain kuch yehi jo haqeeqat basar ki hai

Kyun tajdaro! Khwab mein dekhi kabhi yeh shai Jo aaj jholiyon mein gadayaan-e-dar ki hai

Jaru-kashon mein chehre likhe hain mulook ke Woh bhi kahan naseeb fakat naam bhar ki hai

Taiba mein mar ke thande chale jaao aankhein band Seedhi sadak yeh shehr-e-shafa'at nagar ki hai

Aasi bhi hain chehite yeh Taiba hai zahido Makkah nahin ke jaanch jahan khair-o-shar ki hai

Shan-e-jamal Taiba-e-Janaan hai naf'a mehz Wus'at jalal-e-Makkah mein sood-o-zarar ki hai

Kaaba hai beshak anjuman-ara dulhan magar Saari bahar dulhanon mein dulha ke ghar ki hai

Kaaba dulhan hai turbat-e-athar nayi dulhan Yeh rashk-e-aftab woh ghairat-e-qamar ki hai

Donon banein sajili anili bani magar Jo pee ke paas hai woh suhagan kunwar ki hai

Sarsabz wasl yeh hai siyah-posh-e-hijr woh Chamki dupaton se hai jo halat jigar ki hai

Ma-o-shuma toh kya ke Khalil-e-Jaleel ko Kal dekhna ke un se tamanna nazar ki hai

Apna sharaf dua se hai baaqi raha qabool Yeh jaanein un ke haath mein kunji asar ki hai

Jo chahe un se maang ke donon jahan ki khair Zar-na-kareeda ek kaneez un ke ghar ki hai

Rumi ghulam din Habshi bandiyan shabein Ginti kaneez-zadon mein shaam-o-sahar ki hai

Itna ajab bulandi-e-jannat pe kis liye Dekha nahin ke bheek yeh kis oonche ghar ki hai

Arsh-e-bareen pe kyun na ho Firdous ka dimaagh Utri hui shabeeh tere baam-o-dar ki hai

Woh khuld jis mein utregi Abrar ki baraat Adna nichhawar is mere dulha ke sar ki hai

Anbar-zameen abeer hawa mushk-e-tar ghubar Adna si yeh shinakht teri rah-guzar ki hai

Sarkar hum ganwaron mein tarz-e-adab kahan Hum ko toh bas tameez yehi bheek bhar ki hai

Maangein ge maange jayenge munh mangi payenge Sarkar mein na "la" hai na haajat "agar" ki hai

Uff be-hayaiyan ke yeh munh aur tere huzoor Haan tu Kareem hai teri khoo darguzar ki hai

Never Be Without Your Favorite Lyrics - Get the App for Offline Access!

Tujh se chhupaun munh toh karoon kis ke saamne Kya aur bhi kisi se tawaqqu nazar ki hai

Jaaun kahan pukaroon kise kis ka munh takoon Kya pursish aur jaa bhi sag-e-be-hunar ki hai

Baab-e-ata toh yeh hai jo behka idhar udhar Kaisi kharabi is bhatke dar-ba-dar ki hai

Aabad ek dar hai tera aur tere siwa Jo bargah dekhiye ghairat khandar ki hai

Lab waa hain aankhein band hain pheeli hain jholiyan Kitne maze ki bheek tere paak dar ki hai

Ghera andheriyon ne duhai hai chand ki Tanha hoon kaali raat hai manzil khatar ki hai

Qismat mein laakh pech hon sau bal hazaar kaj Yeh saari gutthi ek teri seedhi nazar ki hai

Aisi bandhi naseeb khule mushkilein khulein Donon jahan mein dhoom tumhari kamar ki hai

Jannat na dein, na dein, teri ru'yat ho khair se Is gul ke aage kis ko hawas barg-o-bar ki hai

Sharbat na dein, na dein, toh kare baat lutf se Yeh shahd ho toh phir kise parwa shakar ki hai

Main khana-zaad kuhna hoon surat likhi hui Bandon kaneezon mein mere madar-paddar ki hai

Mangta ka haath uthte hi Daata ki dain thi Doori qabool-o-arz mein bas haath bhar ki hai

Sun ki woh dekh baad-e-shafa'at ke de hawa Yeh aabroo Raza tere daaman-e-tar ki hai