Bas Qalb Woh Abad Hai

Bas qalb woh aabad hai jis mein tumhari yaad hai Jo yaad se ghafil hua veeran hai barbaad hai

Ranj-o-alam mein mubtala woh hai jo tujh se phir gaya Be-fikr woh gham se raha jis dil mein teri yaad hai

Ae bandagan-e-Muhyiddin dil se zara faryaad ho Baghdad ka faryaad-ras toh bar-sar-e-imdaad hai

Why Screenshot When You Can Download? Get the App for Efficient Storage!

Mehboob-e-Subhani ho tum maqbool-e-Rabbani ho tum Banda tumhara jo hua woh naar se azaad hai

Hoon naam leva aap ka Aasi sahi mujrim sahi Mujh pur-khata ke waaste sarkar kya irshaad hai

Baghdad ki galiyon mein ho Aaqa mera laasha pada Thokar laga kar tum kaho yeh banda-e-azaad hai

Kyun poochte ho qabr mein mujh se farishto dam-ba-dam Lo dil ke andar dekh lo Ghous-ul-Wara ki yaad hai

Jab rubaru qahhar ke daftar khulein aamaal ke Kehna Khudaye-Pak se yeh banda-e-azaad hai

Mushkil padi jo saamne aayi nida Baghdad se Main hoon himayat par teri bande toh kyun naashad hai

Afkaar mein hoon mubtala koi nahi tere siwa Ya Abdul Qadir Muhyiddin faryaad hai faryaad hai

Uth baith gumbad se zara chamka de bakht-e-Islam ka Ya Abdul Qadir Muhyiddin faryaad hai faryaad hai

Tareek shab choron ka ban saathi na koi rahbar Baghdad ke roshan qamar faryaad hai faryaad hai

Qismat hi khul jaye meri gar ae Jameel Qadri Aaye khabar Baghdad se arzi pe teri saad hai