Banda Milne Ko Qareeb

Banda milne ko qareeb-e-Hazrat-e-Qadir gaya Lam’a-e-batin mein gumne jalwa-e-zahir gaya

Teri marzi pa-gaya suraj phira ulte qadam Teri ungli uth gayi mah ka kaleja chir gaya

Barh chali teri ziya andher alam se ghata Khul gaya gesu tera rehmat ka badal ghar gaya

Bandh gayi teri hawa Sawah mein khak udne lagi Barh chali teri ziya aatish pe pani phir gaya

Teri rehmat se Safiyyullah ka beda paar tha Tere sadqe se Najiyyullah ka bajra tar gaya

Download Lyrics & Access Offline - Install Our App Now!

Teri aamad thi ke Baitullah mujre ko jhuka Teri haibat thi ke har but tharthara kar gir gaya

Momin un ka kya hua Allah us ka ho gaya Kafir un se kya phira Allah hi se phir gaya

Woh ke us dar ka hua khalq-e-Khuda us ki hui Woh ke us dar se phira Allah us se phir gaya

Mujh ko deewana batate ho main woh hoshiyar hoon paon jab tawaf-e-haram mein thak gaye sar phir gaya

Rahmatullilalamin aafat mein hoon kaisi karoon Mere Maula main to is dil se bala mein gir gaya

Main tere hathon ke sadqe kaisi kankariyan thin woh Jin se itne kafiron ka daf’atan munh phir gaya

Kyun janab-e-Abu Huraira tha woh kaisa jaam-e-sheer Jis se sattar sahibon ka doodh se munh phir gaya

Wasta pyare ka aisa ho ke jo Sunni mare Yun na farmayen tere shahid ke woh fajir gaya

Arsh par dhoomein machein woh momin-e-salih mila Farsh se matam uthe woh tayyib-o-tahir gaya

Allah Allah yeh ullu-e-khas-e-abdiyat Raza Banda milne ko qareeb-e-Hazrat-e-Qadir gaya

Thokrein khate phiro ge un ke dar par par raho Qafila to ay Raza awwal gaya aakhir gaya