Aye Khak e Madina

Ae khaak-e-Madinah! tira kehna kya hai Tujhe qurb-e-Shah-e-Madinah mila hai

Sharaf-e-Mustafa ke qadam choomne ka Tujhe barha khaak-e-Taibah mila hai

Muattar hai kitni tu khaak-e-Madinah Ke khushbuon se zarra zarra basa hai

Lagao tum aankhon mein khaak-e-Madinah Koi is se behtar bhi surma bhala hai!

Mareezon! utha kar ke khaak-e-Madinah Ko le jao! is mein yaqeenan shifa hai

Madine ki mitti zara si utha kar Piyo ghol kar har marz ki dawa hai

Get Lyrics On-The-Go! Download Our App Now!

Aqeedat se khaak-e-Madinah badan par Malo tum har ik dard ki yeh dawa hai

Tujhe wasta khaak-e-Taibah ka Ya Rabb! Ata kar gham-e-Mustafa iltija hai

Hamein maut khaak-e-Madinah par aaye Ilahi! yeh tujh se hamari dua hai

Meri na'sh par aap khaak-e-Madinah Chirakna mere sathiyo! iltija hai

Pas-e-marg Maula tu mitti hamari Mila khaak-e-Taibah mein yeh iltija hai

Badan par hai Attar ke khaak-e-Taibah Pare hat jahannam tira kaam kya hai