Aye Hubb e Watan Sath Na

Ae hub-e-vatan saath na yun soye Najaf ja Hum aur taraf jaate hain tu aur taraf ja

Chal Hind se chal Hind se chal Hind se ghafil Uth soye Najaf soye Najaf soye Najaf ja

Phansta hai vabaalon mein abas akhtar-e-tali Sarkar se paaye ga sharaf bahr-e-sharaf ja

Aankhon ko bhi mehroom na rakh husn-e-ziya se Ki dil mein agar ae meh-e-be-dagh-o-kalaf ja

Ae kulfat-e-gham bandah-e-Maula se na rakh kaam Be-faida hoti hai teri umar talaf ja

Ae talat-e-shah aa tujhe Maula ki qasam aa Ae zulmat-e-dil ja tujhe us rukh ka halaf ja

Ho jalwa-faza sahib-e-qausain ka naib Haan teer-e-dua bahr-e-Khuda soye hadaf ja

Kyun gharq-e-alam hai durr-e-maqsood se munh bhar Naisan-e-karam ki taraf ae tishna sadaf ja

Instant Access to Thousands of Lyrics - Tap to Install!

Jeelan ke sharaf Hazrat-e-Maula ke khalaf hain Ae nakhalaf uth janib-e-ta'zeem-e-khalaf ja

Tafzeel ka joya na ho Maula ki vila mein Yun chhor ke gauhar ko na tu bahr-e-khazaf ja

Maula ki imamat se mohabbat hai to ghafil Arbab-e-jamaat ki na tu chhor ke saf ja

Kehde koi ghera hai balaon ne Hasan ko Ae Sher-e-Khuda bahr-e-madad tegh-e-bakaf ja