Ata e Habib e Khuda

Ata-e-Habib-e-Khuda Madani mahol Hai faizan-e-Ghaus-o-Raza Madani mahol

Ba-faizan-e-Ahmad Raza InshaAllah Yeh phoolay phalay ga sada Madani mahol

Agar sunnatain seekhnay ka hai jazba Tum aajao dega sikha Madani mahol

Tu daarhi barha lay imama saja lay Nahi hai yeh hargiz bura Madani mahol

Buri sohbaton say kinara kashi kar Ke achhon kay paas aakay pa Madani mahol

Tanazzul kay gehray garhay mein thay unki Taraqqi ka baais bana Madani mahol

Tumhain lutf aa jaye ga zindagi ka Qareeb aakay dekho zara Madani mahol

Nabi ki mohabbat mein ronay ka andaaz Chalay aao sikhlaye ga Madani mahol

Tu narmi ko apnana jhagray mitana Rahay ga sada khushnuma Madani mahol

Tu ghussay jhiraknay say bachna wagarna Yeh badnaam ho ga tera Madani mahol

Ae Islami bhai na karna larai Ke ho jaye ga badnuma Madani mahol

Jo koi "Majalis" ka hoga wafadar Usi ko hi raas aaye ga Madani mahol

Sanwar jaye gi aakhirat InshaAllah Tum apnaye rakho sada Madani mahol

No More Screenshots! Save Storage with Our Lyrics App!

Bahut sakht pachtao gay yaad rakho Na Attar tum chorna Madani mahol