Ashiqo Vird Karo Saly Ala

Aashiqo wird karo sall-e-ala aaj ki raat Main parhoon Shah ki kuch madh-o-sana aaj ki raat

Zeb-e-dunya huay woh Shah-e-huda aaj ki raat Donon aalam mein hai yeh shor bapa aaj ki raat

Pheli aalam mein Muhammad ki ziya aaj ki raat Mah-o-khursheed ne munh dhank liya aaj ki raat

Maang lo maangna ho jis ko dua aaj ki raat Wa dar-e-paak ijaabat ka hua aaj ki raat

Naar-e-Fars ki bujhi noor-e-Ilahi chamka Qal-e-shirk hua jalwa numa aaj ki raat

Khushk Sawa hai Samawa mein hai darya jaari Lo zamana ka hua rang naya aaj ki raat

Is liye nasb kiya sabz alam Kaabe par Haft-e-iqleem ka maalik woh hua aaj ki raat

Ahl-e-tauheed se takbeer ka woh shor utha Ke sanam khanon mein kehram macha aaj ki raat

Zalzala aa gaya shaq ho gaya qasr-e-Kisra Toot kar kangron ka dher hua aaj ki raat

Shama-e-tauheed se roshan hua saara aalam Kufr-e-kuffar ka kafoor hua aaj ki raat

Sar-nigoon ho gaye but roo-e-zameen ke saaray Kaaba-e-paak bhi sajday mein jhuka aaj ki raat

Why Screenshot When You Can Download? Get the App for Efficient Storage!

Sar-e-aflaak khameeda hai falak ke aagay Tootay partay hain sitaray z-sama aaj ki raat

Aasmaan hota hai qurbaan yeh zameen se keh kar Ki Khuda ne tujhay daulat yeh ata aaj ki raat

Jaanwar detay hain aapas mein mubarakbaadi Aur shayateen mein hai faryaad-o-buka aaj ki raat

Gul woh phoola hai mehak jaayen gay donon aalam Kehti gulshan mein hai yeh baad-e-saba aaj ki raat

Khalq par barsein gay ab khoob karam ke jhaalay Jhoom kar Kaabay se hai abr utha aaj ki raat

Aa rahay hain dar-e-aqdas pe muraadein lenay Haath phailaye huay Shah-o-gada aaj ki raat

Kisi bekas ki zabaan par yeh sada hai peham Is taraf ko bhi nazar bahar-e-Khuda aaj ki raat

Apnay mehboob ki Allah ne ummat mein kiya Suniyo mil ke karo shukr-e-Khuda aaj ki raat

Aye Jameel-e-Rizvi wasf-e-Nabi kar itna Ke raza-mand ho Ahmad ki raza aaj ki raat