Arsh Ki Aqal Dang Hai

Arsh ki aql dang hai charkh mein aasmaan hai Jaan-e-muraad ab kidhar haaye tera makaan hai

Bazm-e-sana-e-zulf mein meri aroos-e-fikr ko Saari bahaar-e-hasht khuld chota sa itr daan hai

Arsh pe ja ke murgh-e-aql thak ke gira ghash aa gaya Aur abhi manzilon pare pehla hi aastaan hai

Arsh pe taaza chher chhaar farsh mein turfa dhoom dhaam Kaan jidhar lagaiye teri hi daastaan hai

Ik tere rukh ki roshni chain hai do jahaan ki Ins ka uns usi se hai jaan ki woh hi jaan hai

Find Your Favorite Lyrics Anytime, Anywhere - Install the App Today!

Woh jo na thay to kuch na tha woh jo na hon to kuch na ho Jaan hain woh jahaan ki jaan hai to jahaan hai

God mein aalam-e-shabab haal-e-shabab kuch na pooch! Gulban-e-baagh-e-noor ki aur hi kuch uthaan hai

Tujh sa siyaah kaar kaun un sa shafee hai kahan Phir woh tujhi ko bhool jaayen dil yeh tera gumaan hai

Pesh-e-nazar woh nau bahaar sajday ko dil hai beqaraar Rokiye sar ko rokiye haan yehi imtihaan hai

Shaan-e-Khuda na saath de un ke kharaam ka woh baaz Sidrah se ta zameen jisay narm si ik udaan hai

Baar-e-jalaal utha liya garche kaleja shaq hua Yun to yeh maah-e-sabza rang nazron mein dhaan paan hai

Khauf na rakh Raza zara tu to hai abd-e-Mustafa Tere liye amaan hai tere liye amaan hai