Apna Gham Ya Sheh e Ambiya

Apna gham Ya Shah-e-Anbiya dijiye Chashm-e-nam Ya Habib-e-Khuda dijiye

Chaak seena Shah-e-do-sara dijiye Qalb-e-bechain Ya Mustafa dijiye

Mujh ko Aaqa Madine bula lijiye Aur mehman apna bana lijiye

Dar pe bulwa ke jalwa dikha dijiye Mera seena Madinah bana dijiye

Iltija hai meri Ya Habib-e-Khuda Ashkbaar aankh ho jaye mujh ko ata Az tufeil-e-Bilal-o-Uwais-o-Raza Aansuon ka khazana Shaha dijiye

Soz-e-ulfat ke dil mein jalaye diye Yaad-e-Taiba mein jo ja rahe hain jiye Aur betab hain hazri ke liye Un ko meetha Madinah dikha dijiye

Mujh ko ahbab tanha chale chhod kar Jald lijiye khabar Amina ke pisar! Ghup andhera hai Ya Shah-e-Jinn-o-Bashar Noor se lahad ab jagmaga dijiye

Hai gunahon ka anbaar Sultan-e-Deen! Nekiyan mere palle mein kuch bhi nahin Chaak ho jaye parda na mera kahin Ab Khuda se Shaha! bakhshwa dijiye

Kaash! neki ki dawat main doon jabaja Sunnatain aam karta rahoon jabaja Gar sitam ho use bhi sahoon jabaja Aisi himmat Habib-e-Khuda dijiye

Never Be Without Your Favorite Lyrics - Get the App for Offline Access!

Phir Arab ki haseen wadiyan dekhne Sabz gumbad ki hariyan dekhne Rauza-e-pak ki jaliyan dekhne Izn badkar ko Mustafa dijiye

Hai tamanna-e-Attar-e-andoh-geen Ho nigah-e-karam us pe Sultan-e-Deen Bas Baqi-e-Mubarak mein do gaz zameen Az tufeil-e-Shah-e-Karbala dijiye