Ap Aye Toh Rut Mastani Ho Gayi

Aap aaye to raat mastani ho gayi Bin dekhe duniya diwani ho gayi

Dekh liya jis ne jalwa-e-Sarkar ka Woh to roop nagar ki rani ho gayi

Yeh hai durood-e-pak ki barkat dosto Door mere ghar se veerani ho gayi

Tham liya jis ne daman-e-Sarkar ka Rab ko paane ki aasani ho gayi

Aisa karam hai mujh pe mere lajpal ka Ek haqeeqat meri kahani ho gayi

Why Screenshot When You Can Download? Get the App for Efficient Storage!

Mil gaya daman mujh ko Shah-e-Konain ka Khuld mein jaane ki aasani ho gayi

Aisa nawaza mujh ko mere Sultan ne Meri gadai bhi Sultani ho gayi