Madine Ke Wali Madine Bula Lo

Madine ke wali ﷺ Madine bula lo Yeh paigham le ja saba jaate jaate

Haan paigham lana meri hazri ka Barah-e-karam meharban aate aate

Tere dar pe aaun main ban ke sawali Rahe saamne tere rozay ki jaali

Ghareebon ke Maula ﷺ yateemon ke wali ﷺ Badi der kardi bulate bulate

Idhar bhi nigah-e-karam ho khudara Kabhi to muqaddar ka chamke sitara

Meri umar guzre teri bargah mein Duaon ka daaman bichhate bichhate

Never Be Without Your Favorite Lyrics - Get the App for Offline Access!

Muqaddar mein mere woh noori ghadi ho Faza-e-haram ho dayar-e-Nabi ﷺ ho

Dar-e-Mustafa ﷺ par meri hazri ho Nadamat ke aansu bahate bahate

Nigahon mein hon sabz gumbad ke jalway Labon par teri inayat ke naghmay

Shab-o-roz guzrein Niazi ke Aaqa ﷺ Tera zikr-e-anwar sunate sunate