Nabi Ki Yaad Se Roshan

Nabi ﷺ ki yaad se roshan mere dil ka nageena hai Woh mere dil mein rehte hain mera dil bhi Madinah hai

Madine ki judai mein sulagta mera seena hai Para hoon door-e-Taibah se yeh jeena kaisa jeena hai

Nabi ﷺ ki aal ka sadqa jahan ki na'amatein maango Khuda se maangne ka yeh bada achha qareena hai

Jhukoon kyun ghair ke dar par kisi se bheek kyun maangoon Mere daaman mein ishq-e-Sarwar-e-Deen ﷺ ka khazeena hai

Main har-soo dekhta hoon Sarwar-e-Kawnain ﷺ ke jalwe Tufail-e-Murshid-e-Kamil salamat chashm-e-beena hai

Offline Lyrics Anytime, Anywhere - Download the App Today!

Nazar-afroz hain rangeeniyan Firdous ki lekin Jo taskeen-e-dil-o-jaan hai woh Aaqa ﷺ ka Madinah hai

Hamein khatra nahin koi Niazi doob jaane ka Ke hum jis mein hain baithe yeh Aaqa ﷺ ka safeena hai