Nabi Ki Yaad Se Roshan

نبیﷺ کی یاد سے روشن میرے دل کا نگینہ ہے وہ میرے دل میں رہتے ہیں میرا دل بھی مدینہ ہے

مدینے کی جدائی میں سلگتا میرا سینہ ہے پڑا ہوں دور طیبہ سےیہ جینا کیسا جینا ہے

نبیﷺ کی آل کا صدقہ جہاں کی نعمتیں مانگو خدا سے مانگنے کا یہ بڑا اچھا قرینہ ہے

جھکوں کیوں غیر کےدر پرکسی سے بھیک کیوں مانگوں میرے دامن میں عشق سرورِ دیں ﷺ کا خزینہ ہے

میں ہرسُو دیکھتا ہوں سرورِ کونین ﷺ کے جلوے طفیل مرشد کامل سلامت چشم بینا ہے

Download Lyrics & Access Offline - Install Our App Now!

نظر افرز ہیں رنگینیاں فردوس کی لیکن جوتسکینِ دل وجاں ہےوہ آقاﷺ کا مدینہ ہے

ہمیں خطرہ نہیں کوئی نیازیؔ ڈوب جانے کا کہ ہم جس میں ہیں بیٹھے یہ آقاﷺ کا سفینہ ہے