Ankhein Ro Ro Ke

Aankhein ro ro ke sujane wale Jane wale nahin aane wale

Koi din mein yeh sara ujad hai Are o chauni chhane wale

Dhabh hote hain watan se bichhde Desh kyon gate hain gane wale

Are bad-faal buri hoti hai Desh ka jangla sunane wale

Get Lyrics On-The-Go! Download Our App Now!

Sun lein a'ada main bigadne ka nahin Woh salamat hain banane wale

Aankhein kuch kehti hain tujh se paigham O dar-e-Yaar ke jane wale

Phir na karwat li Madinah ki taraf Are chal jhoote bahane wale

Nafs mein khaak hua tu na mita Hai meri jaan ke khane wale

Jeete kya dekh ke hain ae hooro! Taiba se khuld mein aane wale

Neem jalwe mein do aalam gulzar Wah wa rang jamane wale

Husn tera sa na dekha na suna Kehte hain agle zamane wale

Wahi dhoom unki hai MashaAllah Mit gaye aap mitane wale

Lab-e-sairab ka sadqa pani Ae lagi dil ki bujhane wale

Saath le lo mujhe main mujrim hoon Raah mein padte hain thane wale

Ho gaya dhak se kaleja mera Haye rukhsat ki sunane wale

Khalq to kya ke hain Khaliq ko aziz Kuch ajab bhate hain bhane wale

Kushta-e-dasht-e-Haram jannat ki Khidkiyan apne sirhane wale

Kyon Raza aaj gali suni hai Uth mere dhoom machane wale