Ambiya Ke Sarwar o Sardar

Anbiya ke sarwar-o-sardar par lakhon salam Jhoom kar saare kaho Sarkar par lakhon salam

Rab ke mehboob Ahmad-e-Mukhtar par lakhon salam Sab pukaro Sayyid-e-Abrar par lakhon salam

Charah-e-be-chara gan par hon duroodein sad hazar Be-kason ke hami-o-ghamkhwar par lakhon salam

Pur-ziya pur-noor pyari pyari daarhi par durood Mustafa ke gesu-e-khamdar par lakhon salam

Jubba-e-aqdas pe chadar par imamay par durood Jaan-e-alam! Aap ki pezar par lakhon salam

Rehmatein lakhon Abu Bakr-o-Umar-o-Usman par Mere Maula Haider-e-Karrar par lakhon salam

Karbala ke har shaheed-e-bawafa par rehmatein Bibiyon par, Abid-e-beemar par lakhon salam

Hai yaqeenan har sahabi jaan-nisar-e-Mustafa Har muhajir aur har ansar par lakhon salam

Masjid-e-Nabvi ke mehrab aur mimbar par durood Sabz gumbad aur har minar par lakhon salam

Dasht-o-kohsar-e-Madinah, khak-e-Tayyaba par durood Peer, patthar, phool aur har khaar par lakhon salam

Mehki mehki bheeni bheeni hai Madine ki fiza Us faza-e-pak khushboodar par lakhon salam

Khoob bhejo mil ke deewano! Adab se jhoom kar Tum Madine ke haseen gulzar par lakhon salam

Qabr mein lehraenge jis waqt jalwe noor ke Hum parhenge ru-e-pur-anwar par lakhon salam

Aye Madine ke musafir! Le ke ja mera payam Bhejna ro ro ke tu Sarkar par lakhon salam

Ya Nabi! Jitne bhi deewane yahan maujood hain Kash! Sab aakar parhein darbar par lakhon salam

Stop Wasting Storage - Download Lyrics in Lightweight Text Format!

Mere pyare peer-o-murshid Sayyidi Ghous-ul-Wara Awliya Allah ke sardar par lakhon salam

Jo gaya Ajmer mein dil ki muradein pa gaya Mere Khwaja ke sakhi darbar par lakhon salam

Sayyidi Ahmad Raza ne khoob likkha hai kalam Un ke saare naatiya ashaar par lakhon salam

Ho chuke honge jahan mein jis qadar bhi awliya Un pe, har ik un ke khidmatgar par lakhon salam

Maghfirat kar aye Khuda Attar-e-bad-atwar ki Bhej ya Rab ummat-e-Sarkar par lakhon salam

Meethay murshid ne Baqi-e-pak mein paya mazar Saare bhejo murshid-e-Attar par lakhon salam