Alam Mein Kya Hai

Aalam mein kya hai jis ki keh tujh ko khabar nahin Zarrah hai kaun sa teri jis par nazar nahin

Arz-o-sama nahin hain keh shams-o-qamar nahin Kis cheez par Habib-e-Khuda ka asar nahin

Najdi shaqi khabees la'een ka yeh qaul hai Makhlooq ki toh kya unhein apni khabar nahin

Qayil ho ilm-e-ghaib-e-Nabi ka woh kyun shaqi Murtad ke dil mein hubb-e-Nabi ka asar nahin

Duniya mein ho zaleel toh uqba mein khwaar ho Jo khaak-e-paye Hazrat-e-Khair-ul-Bashar nahin

Anwaar ka wurood hai bazm-e-Rasool mein Munkir hai be-basar usay aata nazar nahin

Yeh ilm-e-ghaib hai keh Rasool-e-Kareem ne Khabrein woh dein keh jin ki kisi ko khabar nahin

Kehte hain Jibreel bahut main ne ki talash Tujh sa jahan bhar mein koi tajwar nahin

Meraj mein Khuda ne bulaya unhein jahan Wallah us jagah par kisi ka guzar nahin

Taqseem kar raha hai tu aalam mein na'matein Zahir mein go keh paas teray maal-o-zar nahin

Mangta hain hum Rasool ke kyun dar-ba-dar phirein Kya hum ko bheek ke liye Maula ka dar nahin

Why Screenshot When You Can Download? Get the App for Efficient Storage!

Beshak rah-e-Madinah mein Najdi ko khauf hai Sunni ko un ki raah mein mutlaq khatar nahin

Allah ke Habib ka daaman hai haath mein Mehshar ki sakhtiyon ka hamein kuch khatar nahin

Sun kar Jameel-e-Qadri tera kalam-e-naat Bhoolenge tujh ko Talib-e-Haq umar bhar nahin