Aashiqo Wird Karo

Aashiqo wird karo salli ala aaj ki raat Main parhoon Shah ki kuch madh-o-sana aaj ki raat

Zeb-e-dunya huay woh Shah-e-Huda aaj ki raat Donon aalam mein hai yeh shor-e-bapa aaj ki raat

Phaili aalam mein Muhammad ki ziya aaj ki raat Mah-o-khursheed ne munh dhank liya aaj ki raat

Maang lo maangna ho jis ko dua aaj ki raat Warid-e-pak ijabarat ka hua aaj ki raat

Nar-e-Faris ki bujhi noor-e-Ilahi chamka Qata-e-shirk hua jalwa numa aaj ki raat

Khushk Sawa hai samawa mein hai darya jaari Lo zamana ka hua rang-e-naya aaj ki raat

Is liye nasb kiya sabz alam Kaaba par Haft-e-iqleem ka maalik woh hua aaj ki raat

Ahl-e-tauheed se takbeer ka woh shor utha Ke sanam khanon mein kehram macha aaj ki raat

Zalzala aa gaya shaq ho gaya qasr-e-Kisra Toot kar kungaron ka dher hua aaj ki raat

Shama-e-tauheed se roshan hua sara aalam Kufr-e-kuffar ka kafoor hua aaj ki raat

Sarnigun ho gaye but roo-e-zameen ke saare Kaaba-e-pak bhi sajde mein jhuka aaj ki raat

Sar-e-aflaak khameeda hai falak ke aage Toote parte hain sitare zi-sama aaj ki raat

Aasman hota hai qurbaan yeh zameen se keh kar Ki Khuda ne tujhe daulat yeh ata aaj ki raat

Jaanwar dete hain aapas mein mubarak baadi Aur shayateen mein hai faryad-o-buka aaj ki raat

Gul woh phoola hai mehak jayenge donon aalam Kehti gulshan mein hai yeh baad-e-saba aaj ki raat

Khalq par barasenge ab khoob karam ke jhaale Jhoom kar Kaaba se hai abr utha aaj ki raat

Never Be Without Your Favorite Lyrics - Get the App for Offline Access!

Aa rahe hain dar-e-aqdas pe muraadein lene Haath phailaye huay Shah-o-gada aaj ki raat

Kisi bekas ki zabaan par yeh sada hai paiham Is taraf ko bhi nazar bahar-e-Khuda aaj ki raat

Apne mehboob ki Allah ne ummat mein kiya Suniyo mil ke karo shukar-e-Khuda aaj ki raat

Ae Jameel-e-Rizvi wasf-e-Nabi kar itna Ke raza-mand ho Ahmad ki Raza aaj ki raat