Aap Ke Dar Ki Ajab

Aap ke dar ki ajab tauqeer hai Jo yahan ki khaak hai ikseer hai

Kaam jo un se hua poora hua Un ki jo tadbeer hai taqdeer hai

Jis se baatein ki unhin ka ho gaya Wah kya taqreer pur-taseer hai

Jo lagaye aankh mein mehboob ho Khaak-e-Taiba surma-e-taskheer hai

Sadr-e-aqdas hai khazina raaz ka Seena ki tehreer mein tehreer hai

Zarra zarra se hai taali' noor-e-Shah Aftab-e-husn alamgeer hai

Lutf ki baarish hai sab shadab hain Abr-e-jood-e-Shah alamgeer hai

Mujrimo un ki qadam par loot jaao Bas rehayi ki yahi tadbeer hai

Ya Nabi mushkil kushayi kijiye Banda-e-dar be-dil-o-dil-geer hai

Woh sarapa lutf hain shaan-e-Khuda Woh sarapa noor ki tasveer hai

Stop Wasting Storage - Download Lyrics in Lightweight Text Format!

Kaan hain kaan-e-karam jaan-e-karam Aankh hai ya chashma-e-tanveer hai

Jaane wale chal diye hum reh gaye Apni apni ae Hassan taqdeer hai